قتلگهده بویادی زلفین آنان قانه اوغول
گلدی خولی ایوینه شام غریبانه اوغول
کربلا دشتینه چکدی منی درد ین هوسی
مخیمونده واردیم عمریون آخر گیجه سی
خیمه دن عرشه چیخاندا باجوون ناله سسی
من اوزوم همدمیدیم زینب نالانه اوغول
آخر عمرونده قویاندا یوزیوی توپراقا سن
دوشه میشدیم بو غازون آلتینا آق زلفیمی من
الینی گوزلریمه قویدی آتان شاه زمن
دوشمیه تا نظریم خنجر برانه اوغول
دیمه بیر لحظه سنی گوزدن آنان آتمیشدی
قانه هر بیر یارادان که بدنون باتمیشدی
یارلار قانی منیم زلفیمی ایسلاتمیشدی
سن کیمی اوردا بلشمیشدی آنان قانه اوغول
مصرعونده بلیمی بوکدی منیم لشگر شام
عمریون گیچدی چراغی گونوزاولدی منه شام
گون کیمی گیجدی باشون نیزیه گون اولدی تمام
چکدی قان لخته سی پرده خور رخشانه اوغول
گیجه نین ظلمی گونوز ظلم لریندن باشیدی
هله گوندوز یاخیلان قانیله زلفیم یاشیدی
او بدن کی کفنی نیزه قلج اوخ داشیدی
اوزگه ظلم ایتدیلر اول پیکر عریانه اوغول
ساربان اولدی سبب قانه دونن گوز یاشیما
اللرون کسدی دوتوب قانیوی یاخدیم باشیما
گلمدیم دشمن بی رحم ایوینه اوز باشیما
گتدی عشقون منی بو کوفه ویرانه اوغول
بولمیوب کوفه لیلر قدریوی من بولم اوغول
هریره گیتسه باشون دلده آدون گلم اوغول
کول دولوبدورگوزیوه زلفمیه سیلم اوغول
آناوی عشقون ایدوب گور نجه دیوانه اوغول
گوندوزوم شامه دونوب سنسیز ایا صبح ازل
کیم سالوبدور سنی بو حاله اولا اللری شل
یاتما نازیله کول اوسته بالادور سیمه گل
قویما اوج ایتسون آنان ناله سی کیوانه اوغول
سن بو ماتم زده خون جگره سویگلوسن
جور خاریله سولان گلشنیمون بیر گلی سن
یارالی سینمه ترجیح ویروبسن کولی سن
گلماقون سینمه منتدی گینه جانه اوغول
سن اوغول اوغلی الن قلبی یانان بیر آتاسان
من اوغولسوز آناوی حاشه گوزوندن آتاسان
نه گلوب سینه زهرایه کول اوسته یاتاسان
کول اولا مردمک عالم امکانه اوغول
گلمیشم آچ گوزون ای برج امامت قمری
آناوین گور نجه رخساره آخور اشک تری
یوخوموش خولی بی رحمده انصاف اثری
بو نه منزلدی ویروب سن کیمی سلطانه اوغول
سینمی تیر غمه هر غمون آماج ایلیوب
منزلون دشمن ایوی صبریمی تاراج ایلیوب
چرخ آیینه نی خاکستره محتاج ایلیوب
کوله محتاج اولا بو چرخ ذلیلانه اوغول
ای جمال اللهه آیینه رخ انوریله
سیلنن گرد رخی صورت پیغمبریله
دوزدی گردون سیلر آیینه نی خاکستریله
نه بو آیینه نه بو کول نه بو کاشانه اوغول
اولا هر ظلم و ستم دهریده مظلومه چاتار
غم اوخی غملر الیندن دل خونینه باتار
میزبان رذل اولا مهمانی کول اوستونده یاتار
گوشه مطبخ اولارمآمن شاهانه اوغول
سیخیلار اوچی الیندن یارالی قوش بوداقا
جبر ایدر شاهی پناهنده محقر اطاقا
لیک ویرمزله مکان کنج تنوری قوناقا
هتک حرمتدی بو یرسن کیمی مهمانه اوغول
بودی دنیانین ایشی خوار ایده هر سویگلینی
داغلیه غنچه اکن لاله نعمان دلینی
آفت باد خزانه ویره گلشن گلینی
هر بهار آغلار او دور ابر گلستانه اوغول
بسلدیم من گل طاهانی دل اوستونده بالا
خاره یالوارمیشام آخر بو گل اوستونده بالا
یارالی صورتیوی قویما کول اوستونده بالا
حیف دور گل دوشه خاکستر سوزانه اوغول
بوغازونده باخورام زخم مکرر یرینه
حنجرونده یانرام اون ایکی خنجر یرینه
گور دوزر هانسی آنا اولسا بو مضطر یرینه
توکمز اشگ بصرین من کیمی دامانه اوغول
گزدیم ای یوسف گم گشته سراغونده سنون
تاپدیم آخر او چوخور یرده یارالی بدنون
گوندرم غصه لی یقوبیوه بیر پیراهنون
تا پما دیم جبرا آپارمیشدیلا تالانه اوغول
پیکرون بنزوری گوردوم یازیلان قرآنه
جلدی یوخدور داغیلوب هر ورقی بیر یانه
من باخوردوم او داغیلمیش بدن عریانه
گوردوم اول جسمیده گلمور یارلار سانه اوغول
ایتموسن عهد الستونده بلایانی قبول
او بلایا که اونا واله و حیراندی عقول
داغیدوب ناطق قرآن بدنین سم خیول
بیرده شیزازه ورولماز بلی قرآنه اوغول
قان ایدوبدور یارالی قلبیوی قارداش یاراسی
باشدا شمشیر جبینونده اوغول داش یاراسی
قاریشوب بیر بیرینه داش یارسی باش یارسی
آناوین قانه دونر گوز یاشی گور یا نه اوغول
قان سریرینده یاتوبسان یارالی پیکریله
سایه سالمیش سنه اوخلار قوشی شهپرلریله
اهرمن ال تاپوب انگشتیوه انگشتریله
آچیلیوب غارت الی دست سلیمانه اوغول
گیتمز ایستکلیسی ایستکلیدن عالمده یانش
دیندیرر خوش دلیله هر کیمی دیندیرسه تانش
چوخدی غصم بلوسن گوگلیمی بیرده دانش
آشنایم دگلم من سنه بیگانه اوغول
منزل ذهنی سائلده بو اشعاری یازان
صابر و حافظی و نجمی و سعدی زمان
مسگر و رنجبرو سالک و طهباز جوان
اولدی بانی حسنینیله بو عنوانه اوغول
بیزه نوکردی بولار شاهه تیکر گوز نوکر
اودی گوز یاشلی هره درد دلین عرض ایلر
جمله سی دردینه درمان و زیارت ایستر
دعوت ایله اولاری وقفه قربانه اوغوا
زبان حال حضرت زهرا سلام الله علیها